وزارت مذہبی امور کی قوم سے جمعہ کو نماز استسقاء ادا کرنے کی اپیل

نگران وزیراعظم اوروزارت مذہبی امورنے قوم سے اپیل کی ہے کہ وہ کل(جمعہ) کو نماز استسقاء ادا کرے۔

وزارت مذہبی امور کے ترجمان نے علماء اورخطیبوں پر زور دیا ہے کہ وہ ملک بھر کے دیہات، قصبوں اور شہروں میں جمعہ کے خصوصی اجتماعات میں حصہ لیں اوربارش کے لئے اللہ تعالیٰ کی رحمت طلب کریں۔

مساجد کے پیش امام اور عوام مسنون صلاۃ الاستسقاء کا لازمی اہتمام کریں۔