اب اسلحہ لائسنس آن لائن حاصل کرسکیں گے

لاہور: نگراں وزیراعلیٰ پنجاب محسن نقوی کی قیادت میں پنجاب حکومت نے اسلحہ لائسنس کے اجراء میں کرپشن کا مستقل خاتمہ کرکے ایک اور سنگ میل عبور کرلیا۔ اب ہتھیاروں کا لائسنس آن لائن دستیاب ہوگا۔

پنجاب کے محکمہ داخلہ اور نیشنل ڈیٹا بیس اینڈ رجسٹریشن اتھارٹی (نادرا) کے درمیان ’’دی پنجاب آرمز لائسنس مینجمنٹ سسٹم (PALMS)‘‘ کے معاہدے پر دستخط ہوئے۔

وزیراعلیٰ محسن نقوی نے ’’پنجاب آرمز لائسنس مینجمنٹ سسٹم‘‘ پورٹل کا باقاعدہ افتتاح کیا۔

PALMS کے تحت پنجاب بھر میں اسلحہ لائسنسوں کی تجدید اور ترمیم کی جا سکے گی جبکہ ورثاء کو اسلحہ لائسنس کی منتقلی بھی آن لائن ہو گی۔

پنجاب آرمز لائسنس مینجمنٹ سسٹم لائسنس کو درخواست گزار کے گھر پہنچانے کی اجازت دے گا۔