انگلش پریمیئر لیگ میں آرسنل،لوٹن ٹائون،کرسٹل پیلس اور نیو کیسل یونائیٹڈ نے اپنے میچز جیت لئے

لندن: انگلش پریمیئر لیگ میں آرسنل نے ناٹنگھم فاریسٹ ،لوٹن ٹائون نے برائٹن اینڈ ہوو البیون، کرسٹل پیلس نے شیفیلڈ یونائیٹڈ اور نیو کیسل یونائیٹڈ نےآسٹن ولا کو ہرا کر اپنے اپنے میچز جیت لئے۔ انگلش پریمیئر لیگ کے 32 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔

سٹی گراؤنڈ، ناٹنگھم شائر میں کھیلے گئے میچ میں ناٹنگھم فاریسٹ اور آرسنل کی ٹیمیں آمنے سامنے تھیں جس میں آرسنل کی ٹیم نے سخت مقابلے کے بعد ناٹنگھم فاریسٹ کی ٹیم کو ایک کے مقابلے میں دو گول سے شکست دی۔ آرسنل کی ٹیم کی ای پی ایل میں یہ 14ویں فتح ہے۔

کریون کاٹیج، لندن کے مقام پر کھیلے گئے میچ میں فلہم اور ایورٹن کی ٹیمیں آمنے سامنے تھیں یہ میچ بغیر کسی گول کے ہار جیت کے فیصلے کے بغیر ختم ہوگیا۔ کینیل ورتھ روڈ، لوٹن میں کھیلے گئے میچ میں لوٹن ٹائون اور برائٹن اینڈ ہوو البیون کی ٹیمیں آمنے سامنے تھیں جس میں لوٹن ٹائون نے ٹیم نے انتہائی شاندار کھیل کا مظاہرہ کرتے ہوئے برائٹن اینڈ ہوو البیون کی ٹیم کو باآسانی 0-4 گول سے ہرا دیا۔