انتخابی مہم میں ضابطہ اخلاق کی خلاف ورزیوں پرالیکشن کمیشن کا نوٹس

الیکشن کمیشن نے جاری انتخابی مہم میں ضابطہ اخلاق کی خلاف ورزیوں کا نوٹس لیا ہے اور متعدد امیدواروں کوجرمانے کئے ہیں۔

کمیشن کے ترجمان کےمطابق  این اے35سے قومی اسمبلی کا الیکشن لڑنےوالے دو آزاد امیدواروں نور اسلم آفریدی اور فواد اللہ خان آفریدی کو جرمانے کئے گئے ہیں۔

 اسی طرح  صوبائی اسمبلی کا الیکشن لڑنے والے عوامی نیشنل پارٹی کے امیدوار یعقوب خان  کو بھی جرمانہ کیاگیا ہے۔

ترجمان نے کہا کہ مختلف اضلاع میں مانیٹرنگ ٹیموں نے غیر قانونی ہورڈنگز ، بینرز اور دیگر تشہیری مواد ہٹا دیا ہے۔