سکولوں کےلئے پرائم منسٹر مائنڈ سپورٹ پروگرام کا آغاز

نگران وزیراعظم انوارالحق کاکڑ نے اسلام آباد کے سکولوں کےلئے پرائم منسٹر مائنڈ سپورٹ پروگرام کا آغاز کیا۔

 وزیر اعظم انوارالحق کاکڑ نے اس موقع پر گفتگو کرتے ہوئے ذہنی کھیلوں کے پروگرام کے فروغ کےلئے بھرپور عزم کا اظہار کیا ۔ انہوں نے اس بات پر زور دیا کہ پاکستان کے سب سکولوں میں ذہنی کھیلوں تک رسائی ہونی چاہیے۔

 اس پروگرام کا مقصد بچوں میں تنقیدی سوچ اور علمی ترقی کو پروان چڑھانا ہے۔ ابتدائی طور پر ایک ہزار سکولوں میں شطرنج اور سکر یبل رکھی جائیں گی۔

نگران وزیراعظم انوارالحق کاکڑ نے کہا کہ ہم عالمی برادری کا حصہ ہیں اورہمیں وسیع تر تعاون اور روابط کی ضرورت ہے۔

 اس موقع پر تبصرہ کرتے ہوئے بین الصوبائی رابطے کےوزیر فواد حسن فواد نے کہا ہے کہ ذہنی کھیلوں کے پروگرام کو پاکستان کے تمام سرکاری سکولوں میں شروع کیا جائے گا ،  انہوں نے نجی سکولوں کو بھی ذہنی کھیلوں سے لیس ہونے کی دعوت دی ۔