5 سے 10 فروری تک حساس پولنگ اسٹیشنز پر فوج تعینات رہے گی

نگراں وزیر اطلاعات سندھ نے کہا کہ 8فروری کو الیکشن ہونے جا رہے ہیں۔ پانچ فروری سے دس فروری تک حساس پولنگ اسٹیشنز پر افوج پاکستان تعینات رہے گی۔

کورکمانڈرزاورالیکشن کمیشن کی میٹنگزمنعقد کی گئیں۔ تمام صوبوں کی حکومتیں مکمل طورپرالیکشن کے لیے تیار ہیں ۔ 

نگراں صوبائی وزیراطلاعات اقلیتی امورسماجی تحفظ صدرآرٹس کونسل محمد احمد شاہ نے الیکشن اورامن وامان کی صورتحال پر اہم پریس کانفرنس کرتے ہوئے کہا کہ کانفرنس کا انعقاد سندھ اسمبلی میں کیا گیا۔ الیکشن کے حوالے سے ابہام تھا جو اب ختم ہو چکا ہے۔ 

نگراں وزیر اطلاعات سندھ محمد احمد شاہ  نے کہا کہ 8فروری کو الیکشن ہونے جا رہے ہیں۔

 پولنگ اسٹیشن پرپریزائڈنگ آفیسرز گھر نہیں جائیں گے۔ پولنگ اسٹیشنزپرتعینات عملے کی چھٹیاں منسوخ کردی گئی ہیں۔

پانچ فروری سے دس فروری تک حساس پولنگ اسٹیشنز پر افوج پاکستان تعینات رہے گی۔ الیکشن کمیشن کی ہدایت کے مطابق جن تیاریوں کی ضرورت ہے اس پر عملدرآمد کرایا جا رہا ہے۔