الیکشن ڈے پر انٹرنیٹ کی بندش کے حوالے سے پی ٹی اے کی وضاحت

پاکستان ٹیلی کمیونیکیشن(پی ٹی اے) نے انٹرنیٹ کی بندش سے متعلق خبروں پر وضاحت جاری کردی۔

پی ٹی اے نےواضح کیا ہے کہ حکومت پاکستان الیکشن کے دن انٹرنیٹ بند نہیں کرے گی، انٹر نیٹ بغیر کسی رکاوٹ کے کام کرے گا۔

اس حوالے سے جاری وضاحت میں کہا گیا ہے کہ انتخابات کے دن صارفین کو انٹرنیٹ کی سہولت میسر ہو گی۔

واضح رہے کہ نگراں وزیر داخلہ گوہر اعجازعام انتخابات کے دوران انٹرنیٹ میں خلل پڑنے اور بند ہونے کے امکان کو تسلیم کیا تھا جس کے بعد سے سوشل میڈیا پر بندش کی خبریں وائرل ہیں۔

دوسری جانب ایمنسٹی انٹرنیشنل نے انسانی حقوق کی دیگر تنظیموں کے ساتھ مل کر پاکستانی حکام سے مطالبہ کیا ہت ہے کہ وہ انتخابات کے دوران ملک بھرمیں انٹرنیٹ اور ڈیجیٹل کمیونیکیشن پلیٹ فارم تک رسائی یقینی بنائیں۔