پاکستان تحریک انصاف مرکز میں دو تہائی اکثریت سے حکومت بنائے گی، عمر ایوب کا دعوی

پاکستان تحریک انصاف کے کے چیف آرگنائزر عمر ایوب خان نے کہا ہے کہ الحمداللہ ہم دو تہائی اکثریت سے مرکز میں حکومت اور صوبائی حکومتیں بنانے جا رہے ہیں۔

الحمداللہ ہم دو تہائی اکثریت سے مرکز میں حکومت اور صوبائی حکومتیں بنانے جا رہے ہیں۔ میں تمام ریٹرنگ آفیسر کو سختی سے تنبیہ کرتا ہوں کہ وہ کسی کی ٹیمپرنگ یا دھاندلی کرنے کی کوشش نہ کریں۔@OmarAyubKhan pic.twitter.com/mv23SsoIfQ

— PTI (@PTIofficial) February 8, 2024

سوشل میڈیا پلیٹ فارم ایکس پر اپنے ویڈیو پیغام میں عمر ایوب خان نے کہا کہ مجھے اعلان کرتے ہوئے نہایت خوشی ہو رہی ہے کہ پی ٹی آئی کے حمایت یافتہ آزاد امیدوار جنہوں نے الیکشن جیتا ہے، اب ہم مرکز میں دو تہائی اکثریت کے ساتھ حکومت بنا سکتے ہیں اور اسی طرح ہم صوبائی حکومتیں بنانے کی صلاحیت بھی رکھتے ہیں۔

انہوں نے مزید کہا کہ میں تمام ریٹرنگ آفیسر کو سختی سے تنبیہ کرتا ہوں کہ وہ کسی کی ٹیمپرنگ یا دھاندلی کرنے کی کوشش نہ کریں۔