مانسہرہ : قومی اسمبلی کی سیٹ پر نواز شریف کو شکست

مانسہرہ: عام انتخابات 2024 کا سب سے بڑا اپ سیٹ۔ وزارت عظمیٰ کے امیدوار اور پاکستان مسلم لیگ ن کے چیئرمین نواز شریف کو این اے 15 مانسہرہ سے آزاد امیدوار شہزادہ گستاسپ نے شکست دی۔

قومی اسمبلی کے حلقہ این اے 15 مانسہرہ کے غیر سرکاری اور غیر حتمی نتیجے کے مطابق مسلم لیگ ن کے قائد نواز شریف کو آزاد امیدوار شہزادہ گستاسپ نے شکست دے دی۔

رپورٹ کے مطابق شہزادہ گستاسپ نے 74,713 ووٹ لے کر کامیابی حاصل کی جبکہ میاں نواز شریف نے 63,054 ووٹ حاصل کیے۔

خیال رہے کہ میاں نواز شریف لاہور کے حلقہ این اے 130 سے بھی الیکشن لڑ رہے ہیں جہاں سے وہ آزاد امیدوار ڈاکٹر یاسمین راشد کو شکست دے رہے ہیں۔