ایم فل ،پی ایچ ڈی کو قرآنی تعلیمات کے مطابق بنایا جائے ،سینیٹ

سینیٹ میں  آج متفقہ طور پر ایک قرار داد منظور کی گئی  ہے جس میں اس بات کو یقینی بنایا گیا ہے کہ  اسلامک سٹیڈیز میں ایم فل اور پی ایچ ڈی پروگراموں کو قرآن پاک کی تعلیمات کے مطابق بنایا جانا چاہیے۔

قرار داد سینیٹر عبدالقادر کی طرف سے پیش کی گئی جس میں کہا گیا ہے کہ پاکستان کی یونیورسٹیوں کو اپنے ایم فل اور پی ایچ ڈی پروگراموں پر نظرثانی کرنی چاہیے اور انہیں دور حاضر کے تقاضوں سے ہم آہنگ کرنا چاہیے جن کی بنیاد حقیقی معنوں میں تحقیق، تنقیدی سوچ، سائنسی نقطہ نظر اور قرآن پاک کے عملی اطلاق پر ہو۔