پنجاب اسمبلی کا اہم اجلاس ،9 منتخب اراکین حلف اٹھا ئیں گے

نگران حکومت کی جانب سے پنجاب اسمبلی کا اہم اجلاس کل طلب کرلیا گیا ہے اجلاس صبح 10 بجے منعقد ہوگا، تاہم گورنر پنجاب بلیغ الرحمان کے بلائے گئے اجلاس میں 9 منتخب ارکان حلف لیں گے۔

نگران حکومت کی جانب سے اسمبلی سیکرٹریٹ کو زبانی طور پر اجلاس کے حوالے سے آگاہ کیا گیا ہے جبکہ پنجاب اسمبلی اجلاس کے حوالے سے باقاعدہ نوٹیفکیشن تاحال جاری نہیں کیا گیا۔

میڈیا ذرائع کے مطابق پنجاب اسمبلی سیکرٹریٹ کی جانب سے کل کے اجلاس کے حوالے سے تیاریاں شروع کر دی گئی ہیں، تاہم افتتاحی اجلاس کی صدارت اسپیکر پنجاب اسمبلی سردار سبطین خان کریں گے۔