الیکشن کمیشن نے قومی اسمبلی کے مزید تین حلقوں سے امیدواروں کی کامیابی کا نوٹیفکیشن جاری کر دیا

اسلام آباد: الیکشن کمیشن نے قومی اسمبلی کے حلقہ این اے۔ 27 خیبر، این اے۔38کرک اور این اے ۔40 نارتھ وزیرستان سے امیدواروں کی کامیابی کا نوٹیفکیشن جاری کر دیا۔

جمعہ کو کمیشن کی جانب سے جاری کئے گئے نوٹیفکیشن کے مطابق این اے۔27 خیبر سے آزاد امیدوار محمد اقبال خان، این اے۔38 کرک سے آزاد امیدوار شاہد احمد اور این اے۔40 نارتھ وزیرستان سے جمعیت علماء اسلام (ف) کے امیدوار مصباح الدین کامیاب قرار پائے۔