امریکی یونیورسٹی ہارورڈ کے طلباء کا پاکستان کا دورہ

امریکہ کی مشہور ہارورڈ یونیورسٹی کے طلباء کے ایک وفد نے پاکستان کا دورہ کیا۔
تفصیلات کے مطابق ہارورڈ یونیورسٹی امریکہ کے طلباء کے ایک وفد نے پاکستان کا دورہ کیا، طلباء نے پاکستان کے مختلف علاقوں اور سیاحی مقامات کا دورہ کیا۔

امریکہ سے پاکستان کے دورے پر آئے ان طلبا کا کہنا ہے کہ  یہاں کے لوگوں کی مہمان نوازی، کھانوں، سیر گاہوں اور علم و فن نے ہمارے دل موہ لیے ہیں۔

یاد رہے کہ ہارورڈ یونیورسٹی کے طلباء نے اپنے دورے کے دوران وزیر اعظم پاکستان محمد شہباز شریف سے بھی ملاقات کی۔

طلباء کو اسلام آباد میں فیصل مسجد سمیت دیگر سیاحتی مقامات کا دورہ بھی  کرایا گیا، طلباء پاکستان کی خوبصورتی دیکھ کر تعریف کئے بنا نہ رہ سکے اور کہا کہ یہاں ایک سے بڑھ کر ایک خوبصورت چیز ہے۔