سندھ حکومت کا صوبے میں کسان کارڈ شروع کرنے کا فیصلہ

کراچی: وزیراعلیٰ سندھ مراد علی شاہ کی زیر صدارت کابینہ کے اجلاس میں صوبے بھر میں کسان کارڈ شروع کرنے کا فیصلہ کیا گیا ہے۔

مراد علی شاہ نے کہا کہ گندم کی خریداری میں کسان کارڈ ہولڈرز کو ترجیح دی جائے گی، قدرتی آفت کی صورت میں کسان کارڈ کے ذریعے کسانوں کی مدد کی جائے گی۔

انہوں نے کہا کہ آئندہ بجٹ میں چیئرمین بلاول بھٹو کی ہدایت پر زراعت کی سائنسی بنیادوں پر ترقی اور ہر ضلع کی ترقی کے لیے اقدامات کیے جائیں گے۔

یاد رہے کہ  وزیراعلیٰ سندھ نے چیف سیکریٹری کو کسان کارڈ شروع کرنے کے لیے پالیسی بنانے کی ہدایت کی ہے ۔