افغانستان ، خودکش دھماکے میں 3افراد ہلاک، 12زخمی

کابل: افغانستان میں خودکش دھماکے میں 3 افراد ہلاک اور 12زخمی ہوگئے۔

شنہوا کے مطابق صوبائی پولیس کے ترجمان ملا اسد اللہ جمشید نے بتایا کہ جمعرات کو جنوبی افغانستان کے صوبہ قندھار کے صوبائی دارالحکومت قندھار شہر میں ہونے والے خودکش دھماکے میں تین افراد کی ہلاکت اور 12 دیگر کے زخمی ہونے کی تصدیق کی گئی ہے۔

انہوں نے کہاکہ قندھار شہر کے پولیس ڈسٹرکٹ ون میں کابل بینک کے سامنے ایک خودکش دھماکے میں تین افراد شہید اور 12 زخمی ہوئے ہیں۔ انہو ں نے ہلاکتوں میں اضافے کا شبہ ظاہر کیاہے تاہم ابھی تک کسی گروہ یا فرد نے حملے کی ذمہ داری قبول نہیں کی۔