صدر مملکت اور وزیر اعظم کی یوم پا کستان کے موقع پر قوم سے اپیل

یوم پاکستان پر اپنے پیغام میں صدر پاکستان آصف علی زرداری اور وزیر اعظم پاکستان شہباز شریف  نے قائداعظم محمد علی جناح اور ان کے ساتھیوں کے عزم اور قربانیوں کو خراج تحسین پیش کیا۔

صدر مملکت نے کہا کہ ہماری مسلح افواج، سول انتظامیہ، پولیس اور قانون نافذ کرنے والے اداروں نے غیر متزلزل عزم کے ساتھ ہماری قوم کی حفاظت، سلامتی اور خودمختاری کو یقینی بنایا ہے۔

وزیر اعظم شہباز شریف نے قوم سے کہا ہے کہ وہ پاکستان کو امن، ترقی اور استحکام کا سہارا بنانے کے لیے بانیوں کے نقش قدم پر چلنے کے پختہ عزم کی تجدید کرے۔

مسئلہ کشمیر پر تبصرہ کرتے ہوئے صدر نے کہا کہ جنوبی ایشیا میں پائیدار امن کی کلید اقوام متحدہ کی سلامتی کونسل کی قراردادوں کے مطابق تنازعہ کا حل ہے۔

وزیراعظم نے کہا کہ ہم اس وقت پاکستان کو درپیش سنگین چیلنجز سے پوری طرح آگاہ ہیں جن میں مہنگائی، بے روزگاری، گردشی قرضہ، مالیاتی اور تجارتی خسارہ اور سب سے بڑھ کر دہشت گردی کی بڑھتی ہوئی لعنت شامل ہیں۔

یوم پاکستان کے موقع پر اپنے پیغام میں انہوں نے کہا کہ ہمارے آبا اجداد نے پاکستان کے لیے انتھک کوششیں کیں اور مثالی قربانیاں دیں کیونکہ لاکھوں مسلمانوں نے بھارت میں اپنا گھر بار چھوڑ کر پاکستان ہجرت کرنے کا فیصلہ کیا۔