سعودی عرب میں 4 ہزار 345 بھکاری گرفتار

رمضان المبارک میں سیکیورٹی پلان پر سختی سے عمل کرتے ہوئے انسداد گداگری کی ٹیموں نے 4 ہزار 345  گداگروں کو گرفتار کرلیا۔

لیفٹیننٹ جنرل محمد البسامی کہتے ہیں کہ رمضان المبارک میں سیکیورٹی پلان پر سختی سے عمل کیا جا رہا ہے جب کہ رمضان المبارک میں مختلف ممالک سے تعلق رکھنے والے گداگر بڑی تعداد میں مکہ مکرمہ پہنچ جاتے ہیں۔

ڈائریکٹر ادارہ امن عامہ لیفٹیننٹ جنرل محمد البسامی کے مطابق مکہ مکرمہ میں 4 ہزار 345 بھکاری گرفتار کرلئے گئے ہیں، مکہ مکرمہ میں مسجد الحرام کے علاوہ مختلف مقامات پر بھی محکمہ انسداد گداگری کی ٹیمیں تعینات کی گئی ہیں۔

واضح رہے رمضان المبارک میں مختلف ممالک سے تعلق رکھنے والے گداگر بڑی تعداد میں مکہ مکرمہ پہنچ جاتے ہیں۔