قومی ویمن کرکٹ ٹیم کی فاسٹ بولر عالیہ ریاض کی وقار یونس کے بھائی سے منگنی

قومی ویمن کرکٹ ٹیم کی فاسٹ بولر عالیہ ریاض نے منگنی کر لی۔

عالیہ ریاض کی منگنی قومی کرکٹ ٹیم کے سابق کپتان اور کوچ وقار یونس کے چھوٹے بھائی علی یونس کے ساتھ ہوئی۔

واہ کینٹ میں ہونے والی منگنی کی تقریب میں فیملی اور عزیز واقارب نے شرکت کی۔

علی یونس کرکٹ کی کمنٹری کے شعبے سے وابستہ ہیں، جبکہ عالیہ ریاض نے 62 ون ڈے اور 83 ٹی ٹوئنٹی میچز میں پاکستان کی نمائندگی کر رکھی ہے۔