قوم دہشت گردی کے خاتمے کیلئے متحد ہے، وزیر اعلی پنجاب

لاہور : وزیراعلیٰ پنجاب مریم نواز نے کہا ہے کہ پوری قوم دہشت گردی کے خاتمے کیلئے متحد ہے۔

انہوں نے چینی شہریوں پر حملے میں ملوث تمام افراد کی گرفتاری پر قانون نافذ کرنے والے اداروں کو خراج تحسین پیش کرتے ہوئے کہا کہ دہشت گردوں اور اُن کے معاونین کو قانون کے کٹہرے میں لانا ضروری ہے۔

حکومت نے ایک بیان میں بشام دہشتگرد حملے کی ایک مرتبہ پھر شدید مذمت کی ہے اور دہشتگردوں اور ان کے سہولت کاروں کو انصاف کے کٹہرے میں لانے کا عزم ظاہر کیا ہے۔

واضح رہے کہ انہوں نے کہا کہ دہشت گردی میں ملوث افراد کسی رعایت کے مستحق نہیں۔