پی ایس او کی پٹرولیم مصنوعات کی فروخت میں مارچ کے دوران سالانہ بنیادو ں پر 11 فیصد کااضافہ

اسلام آباد: پاکستان سٹیٹ آئل (پی ایس او ) کی پٹرولیم مصنوعات کی فروخت میں مارچ کے دوران سالانہ بنیادو ں پر 11 فیصد اضافہ ریکارڈکیا گیا۔

او سی اے سی اور عارف حبیب ریسرچ کے اعدادوشمار کے مطابق مارچ میں پی ایس او کی 0.59 ملین ٹن پٹرولیم مصنوعات کی فروخت ریکارڈکی گئی جو گزشتہ سال مارچ کے مقابلہ میں 11فیصد زیادہ ہے ۔

گزشتہ سال مارچ میں ملک میں پی ایس او کے 0.54 ملین ٹن پٹرولیم مصنوعات کی فروخت ریکارڈ کی گئی تھی۔ فروری کے مقابلے میں مارچ میں پی ایس او کی پٹرولیم مصنوعات کی فروخت میں ماہانہ بنیادوں پر 5 فیصداضافہ ہوا۔