پرویز الہیٰ کی طبیعت ناساز، دوبارہ پمز ہسپتال منتقل

تحریک انصاف کے صدر اور قید سابق وزیراعلیٰ پنجاب چوہدری پرویزالہٰی کو طبی معائنے کے لیے ایک بار پھر پمز اسپتال پہنچا دیا گیا، جہاں میڈیکل بورڈ ان کومکمل طبی معائنہ کرے گا۔

اڈیالہ جیل میں پاکستان تحریک انصاف کے صدر پرویزالہٰی کی بدستور طبیعت خراب ہونے کی وجہ سے انہیں طبی معائنہ کے لیے ایک بار پھر پمز منتقل کیا گیا۔

پرویزالہٰی کی پسلیوں میں فریکچر تھا، سابق وزیراعلیٰ پنجاب امراض قلب سمیت دیگربیماریاں بھی لاحق ہیں۔

سابق وزیر اعلیٰ پنجاب کے ایکسرے اور دیگر ٹیسٹ کیے جا رہے ہیں جبکہ انہیں کارڈک پرائویٹ وارڈ میں رکھا گیا ہے۔

امراض قلب کے ڈاکٹرز پرویز الہٰی کا معائنہ کر رہے ہیں۔

واضح رہے کہ اڈیالہ جیل کے باتھ روم میں گرنے کی وجہ سے پرویز الہٰی کو متعدد چوٹیں آئی تھیں