سندھ حکومت کا محکمہ اینٹی کرپشن میں اصلاحات کا فیصلہ

محکمہ کے وزیر نے کہا کہ ۔

GNN ویب ڈیسک 18 منٹ پہلے شائع ہوا 03 اپریل 2024 03:26 PMBy ویب ڈیسک
سندھ حکومت محکمہ اینٹی کرپشن میں اصلاحات کرے گی سندھ حکومت محکمہ اینٹی کرپشن میں اصلاحات کرے گی
کراچی: سندھ حکومت نے محکمہ اینٹی کرپشن میں اصلاحات کا فیصلہ کرلیا۔ اینٹی کرپشن نے تفتیشی افسران اور پراسیکیوٹرز کا تربیتی اجلاس کرنے کا فیصلہ کیا ہے۔

تفصیلات کے مطابق وزیر محکمہ اینٹی کرپشن سندھ سردار محمد بخش کی زیر صدارت اجلاس ہوا جس میں دیگر افسران اور چیئرمین اینٹی کرپشن کو کرپشن کیسز کے حوالے سے بریفنگ دی گئی۔

سردار محمد بخش نے کہا کہ جو بھی افسر بدعنوانی یا کسی بھی غیر قانونی کام میں ملوث ہوا اس کے خلاف قانونی کارروائی کی جائے گی۔

بریفنگ میں بتایا گیا کہ 2018 سے آج تک 59 سرکاری افسران کو رنگے ہاتھوں گرفتار کیا گیا جبکہ پولیس نے 158 مقامات پر چھاپے مارے اور زون 9 میں 775 مقدمات درج کیے گئے۔

محکمہ کے وزیر نے کہا کہ اینٹی کرپشن میں قانونی اصلاحات لائیں گے۔ عوام کو دھوکہ دینے والوں کے خلاف کارروائی کی جائے گی۔