چین کی سب سے بڑی الیکٹرک گاڑیوں کی کمپنی کا پاکستان میں سرمایہ کاری میں دلچسپی کا اظہار

چین کی دنیا کی سب سے بڑی الیکٹرک گاڑیاں بنانے والی کمپنی (BYD-Build Your Dreams) نے اپنے لوکل پارٹنر Mega Conglomerate Pvt Ltd کے ساتھ پاکستان میں جدید الیکٹرک گاڑیاں بنانے کے لیے سرمایہ کاری میں دلچسپی ظاہر کی ہے ۔

بی واے ڈی (BYD) نے 2023 میں دنیا میں سب سے زیادہ الیکٹرک گاڑیاں بنائیں، جس نے ٹیسلا(Tesla) کو پیچھے چھوڑ دیا ہے۔

یہ اقدام ایک ایسے وقت میں سامنے آیا ہے جب پاکستان اپنے کاربن فوٹ پرنٹ کو کم کرنے اور صاف ستھری فضا کیلئے توانائی کے زیادہ موثر ذرائع نقل و حمل کو اپنانے کیلئے اقدامات کر رہا ہے۔

یہ اقدام گرین پراڈکٹس کو پاکستانی صارفین کے لیے مزید قابل رسائی بنانے کے ساتھ ساتھ پاکستان کی آٹو انڈسٹری کو ترقی کی راہ پر گامزن کرے گا۔