سینیٹ انتخابات اوپن بیلٹ کرانے کیلئے الیکشن ترمیمی آرڈیننس 2021 جاری کردیا

تفصیلات کے مطابق صدر مملکت عارف علوی نے الیکشن ترمیمی آرڈیننس 2021 پر دستخط کردیئے، سینیٹ انتخابات اوپن بیلٹ سے کرانے کیلئے صدارتی آرڈیننس جاری کیا گیا ہے۔آرڈیننس فوری طور پر نافذ العمل ہوگا۔

صدارتی آرڈیننس کے ذریعے الیکشن ایکٹ2017کی شق122میں بھی ترمیم کی گئی ہے، 2017کے الیکشن ایکٹ33کی شق81میں ترمیم کی گئی ہے جبکہ آرڈیننس کو سپریم کورٹ کی صدارتی ریفرنس پر رائے سے مشروط کیاگیا ہے۔

آرڈیننس کے تحت پارٹی سربراہ ووٹ دکھانے کی درخواست  کرسکے گا، الیکشن کمیشن پارٹی سربراہ یا اس کے نمائندے کوووٹ دکھانے کا پابند ہوگا۔وفاقی وزیراطلاعات سینیٹر شبلی فراز نے الیکشن آرڈیننس2021کو ٹویٹ کردیا۔

Elections(Amendment) ordinance 2021 pic.twitter.com/APKvBoiivz

— Senator Shibli Faraz (@shiblifaraz) February 6, 2021