پی ڈی ایم نے صدارتی ترمیمی آرڈیننس کو مسترد کردیا

تفصیلات کے مطابق سینیٹ الیکشن اوپن بیلٹ سے کروانے کیلئے جاری  صدارتی ترمیمی آرڈیننس کو پاکستان ڈیموکریٹک موومنٹ ( پی ڈی ایم)  نے مسترد کردیا۔ ڈپٹی ترجمان پی ڈی ایم حافظ حمداللہ کا کہنا ہے کہ  یہ طریقہ کار آئین کے آرٹیکل 226 کے خلاف ورزی ہے، اس آرڈیننس کے ذریعے حکومتی پارٹی نے سپریم کورٹ کو ڈکٹیٹ کرنے کی کوشش ہے،نااہل حکومت آرڈیننس کے ذریعے اپنی مرضی کے فیصلے مسلط کرنے کی کوشش کررہی ہے۔

حافظ حمداللہ نے کہا کہ  قومی اسمبلی اجلاس جاری ہونے کے ساتھ ساتھ آرڈیننس جاری کرنا نااہلی نہیں تواور کیا ہے؟ سپریم کورٹ میں جانے کے بعد آرڈیننس کا اجراء عدالت پر عدم اعتماد کا اظہار اور عدالت کے ساتھ مذاق نہیں کیا؟ سپریم کورٹ سے مطالبہ ہے کہ سینٹ الیکشن اوپن بیلٹ کے کیس کو واپس کرکے پارلیمنٹ کے حولے کردے۔حکومتی پارٹی عدالت کو اپنے مقاصد کے لئے استعمال کررہاہے۔