حکومت کا آئندہ مالی سال کیلئے جی ڈی پی گروتھ 4.8 فیصد رکھنے کا فیصلہ

تفصیلات کے مطابق مالی سال 2021-22 کیلئے زراعت کے شعبے کی 5 فیصد گروتھ کا ہدف مقرر کیا گیا اور اہم فصلوں کی پیداوار کیلئے 2.2 فیصد گروتھ کا ہدف رکھا گیا۔دستاویز کے مطابق کپاس کیلئے پیداواری گروتھ کا ہدف 10 فیصد مقرر کیا گیا، فشریز اور جنگلات کے شعبے کیلئے 5 فیصد گروتھ کا ہدف مقرر کیا اور تعمیرات کے شعبے کا گروتھ ہدف 8.3 فیصد مقرر کیا گیا۔آئندہ مالی سال صنعتوں کی گروتھ کیلئے 6.5 فیصد کا ہدف مقرر کیا، آئندہ مالی کیلئے مینوفیکچرنگ کے شعبے کا گروتھ ہدف 6.2 فیصد اور لارج سکیل مینوفیکچرنگ گروتھ کا ہدف 6 فیصد مقرر کیا گیا۔تعمیرات کے شعبے کا گروتھ ہدف 8.3 فیصد  جبکہ خدمات کے شعبے کیلئے مالی سال 2021-22 کے دوران 4.7 فیصد کا ہدف رکھا گیا ہے ۔

آئندہ مالی سال کیلئے مہنگائی کی شرح 8.0 فیصد رکھنے کا ہدف رکھا گیا ہے جبکہ فی کس آمدن 2 لاکھ 71 ہزار روپے رکھنے کا ہدف مقرر کیا گیا ہے ۔آئندہ مالی سال کیلئے کرنٹ اکاؤنٹ خسارہ 2 ارب 27 کروڑ ڈالر رکھنے کا ہدف مقرر کیا گیاہے، مالی سال 2021-22 کیلئے تجارتی خسارہ 28 ارب 43 کروڑ ڈالر  جبکہ آئندہ مالی سال کیلئے 26 ارب 83 کروڑ ڈالر کی برآمدات کا ہدف مختص کیا گیا ہے ۔

دستاویز میں برآمدات میں 6.5 فیصد اور درآمدات کیلئے 9.5 فیصد گروتھ ہدف جبکہ آئندہ مالی سال کیلئے 55 ارب 26 کروڑ کی درآمدات کا ہدف رکھا گیا ہے ۔ آئندہ مالی سال کیلئے 31 ارب 25 کروڑ ڈالر ترسیلات کا ہدف مقرر کیاگیا ہے ۔