معروف بھارتی اداکارہ عالیہ بھٹ نے حال ہی میں اپنے انسٹاگرام اکاؤنٹ سے ایک خوبصورت لہنگا پہنے اپنی تصاویر شیئر کیں۔

ان تصاویر میں عالیہ بھٹ نے ایک گہرے رنگ کا ویلوٹی لہنگا ملبوس کیا ہوا ہے جو انہوں نے مکیش امبانی کے بیٹے آننت امبانی کی شادی کی تقریب ’’سنگیت‘‘ میں شرکت کے لیے زیب تن کیا۔

عالیہ بھٹ کا لہنگا پاکستانی معروف پاکستانی برینڈ  نے تیار کیا ہے۔ عالیہ بھٹ کے لہنگے کی تیاری کے لیے اسٹائلنگ معروف اسٹائلنگ برینڈ پریانکارکپاڈیا نے کی، جبکہ عالیہ بھٹ کی زیب تن کی ہوئی جیولری معروف جیولری برینڈ کےمین جیولری کی ہے۔ 

 

 

 

 

 

View this post on Instagram

 

 

 

 

 

 

 

 

 

 

 

A post shared by Alia Bhatt 💛 (@aliaabhatt)

سوشل میڈیا صارفین نے عالیہ بھٹ کے کپڑوں کی ڈیزائننگ کو سراہا۔ پرستاروں نےعالیہ بھٹ کو اس لہنگے میں سنگیت کے باقی سب شرکاء سے منفرد قرار دیا۔

امریکی صدر جو بائیڈن نے اپنے حریف ڈونلڈ ٹرمپ کے ساتھ صدارتی مباحثے میں اپنی کمزور کارکردگی کے حوالے سے کہا ہے کہ جو کچھ ہوا اس کے وہ اکیلے ذمے دار ہیں۔

امریکی نشریاتی ادارے کو دیئے انٹرویو میں امریکی صدر نے اپنی مایوس کن کارکردگی کا جواز پیش کرتے ہوئے بتایا کہ مباحثے میں وہ بیمار اور تکلیف سے دوچار تھے۔ نزلے میں مبتلا ہونے اور طویل پروازوں کے سفر کے سبب وہ تھکے ہوئے تھے۔

بائیڈن نے اقرار کیا کہ مباحثے میں ان کی کارکردگی خراب رہی تاہم ان کا کہنا تھا کہ اسٹیج پر گزرے 90 منٹ اُس سب کو نہیں مٹا سکتے جو کچھ انہوں نے ساڑھے تین سال کے عرصے میں کیا ہے۔

واضح رہے کہ 81 سالہ ڈیموکریٹ صدر کو نومبر میں مقررہ صدارتی انتخابات کی نامزدگی سے دست برداری کے بڑھتے ہوئے مطالبات کا سامنا ہے۔

دوسری طرف وائٹ ہاؤس کی ترجمان کیرین جون پیئر نے بائیڈن کی دوسری بار نامزدگی سے دست برداری کے امکان کو یکسر مسترد کرتے ہوئے کہا کہ صدر انتخابی دوڑ سے پیچھے ہٹنے کا ہر گز نہیں سوچ رہے ہیں۔ جو بائیڈن آئندہ ہفتے ایک پریس کانفرنس کریں گےاور اس کا مقصد صحافتی ذرائع کے سامنے اپنے اظہار اور روانی سے بولنے کی صلاحیت ثابت کرنا ہے۔

واضح رہے کہ کانگریس میں دو ڈیموکریٹ ارکان پارلیمنٹ نے رواں ہفتے علانیہ طور پر مطالبہ کیا تھا کہ صدارتی انتخابات میں بائیڈن سے زیادہ مضبوط امیدوار سامنے لایا جائے۔

اسلام آباد : پاکستان کی مقبول  ترین سیاسی جماعت پی ٹی آئی  کے رہنماؤں نے اپنے لیڈر عمران خان کی رہائی کے لیے ملک گیر جلسوں کا اعلان کیا، اسی  سلسلے میں پی ٹی آئی کی موجودہ قیادت نے   7 جولائی  کو اسلام آباد  کے علاقے ترنول میں جلسہ کرنے کا اعلان کیا تھا ، حکومت نے پی ٹی آئی کو جلسہ  کرنے سے روک دیا۔  پی ٹی آئی کو جلسے کی اجازت ہائی کورٹ نےدے رکھی تھی ، چیف کمشنر اسلام آباد نے پی ٹی آئی کےجلسے کا این او سی منسوخ کر دیا ۔  وزیر قانون  اعظم نذیر تارڑ نے بتایا کہ سیکیورٹی وجوہات کے ہیش نظر  جلسے کی اجازت کو کینسل کیا گیا ہے۔ 
یہاں سوال یہ پیدا ہوتا ہے کہ کیا واقعی معاملات اتنے سنگین تھے کہ اجازت نہ مل سکی، یا پھر یہ آزادی اظہار رائے پر بندش کی ایک نئی کوشش تھی، جو حکومت کی جانب سے ایک اپوزیشن جماعت کے خلاف کی گئی۔ 
حکومت کی جانب سے مؤقف اپنایا گیا کہ محرم الحرام کے آغاز کے ساتھ ہی ملک بھر میں سیکیورٹی ہائی الرٹ ہوتی ہے۔ ایسے حالات میں کسی بھی  عوامی اجتماع کی اجازت دینا یا نہ دینا انتظامیہ کی صوابدیدگی ہے۔  پولیس نمائندگان کے مطابق 3 جولائی کو بھاری مقدار میں اسلحہ اور بارود برآمد کیا گیا، جو ممکنہ طور پر آئندہ  دنوں میں اشتعال انگیزی کے لیے استعمال کیا جانا تھا۔ دہشت گردانہ کارروائیوں کے سدباب کے لیے سنگجانی اور ترنول کے علاقے میں انٹیلی جینس بیسڈ آپریشن تا حال جاری ہے۔ 
سیاسی استحکام کا پاکستان کی سیاست میں ہمیشہ فقدان رہا ہے۔ ایوان کہ جہاں پر قانون سازی کی جانی چاہیے، وہاں گالم گلوچ کا بازار گرم رہتا ہے۔ ایسے حالات میں جہاں حکومت وقت اور اپوزیشن پارٹی کے اختلاف عروج پر ہیں، ایسے میں  پاکستان تحریک انصاف کے موجودہ قیادت  بیرسٹر گوہر نے پی ٹی آئی کے جلسے  کی تاریخ کو مزید مؤخر کر دیا ہے۔  کمشنر اسلام آباد نے  اجازت نامہ منسوخ کر کے عدالتی حکم عدولی کی،  مگر پاکستان تحریک انصاف نے حالات کی نزاکت کو بھانپتےہوئے  اپنا مؤخر کیا گیا جلسہ بعد از محرم کرنے کا اعلان کر دیا۔ بیرسٹر گوہر نے یہ بھی اعلان کیا کہ پاکستان تحریک انصاف عدالت کی حکم عدولی کا معاملہ عدالت میں لے کر جائے گی۔  ساتھ ہی انہوں نے کراچی، فیصل آباد اور اسلام آباد میں جلسے کرنے کا عندیہ دے دیا ہے۔  
انہوں نے مزید کہا کہ اگر بعد از محرم بھی حکومت کی جانب سے کسی علاقائی وجوہات کو بنیاد بنا کر پاکستان تحریک انصاف کا  جلسہ مؤخر کروانے کی کوشش کی گئی، تو پھر ایک عام عوامی تاثر یہی جائے گا کہ یہ حکومت کی آزادی اظہار رائے کو سلب کرنے کی ایک کوشش ہے۔