ادارہ شماریات نے ہفتہ وار مہنگائی کے اعدادوشمار جاری کردیئے

ادارہ شماریات کے مطابق  ایک ہفتے میں 14 اشیاء کی قیمتوں میں اضافہ 9 اشیاء کی قیمتوں میں کمی ہوئی،گزشتہ ہفتے 28 اشیاء کی قیمتوں میں استحکام رہا ہے، گزشتہ ہفتے پیاز 4 روپے فی کلو مہنگے ہو گئے،ٹماٹر 2 روپے، لہسن فی کلو 2 روپے 71 پیسے مہنگا ہوا،جبکہ مٹن کی فی کلو قیمت میں 13 روپے کا اضافہ ریکارڈ کیا گیا۔

ادارہ شماریات کے مطابق  دہی کی فی کلو قیمت میں 67 پیسے کا اضافہ  ہوا، انڈوں کی فی درجن قیمت میں 50 پیسے کا اضافہ ہوا، گزشتہ ہفتے مرغی کی فی کلو قیمت میں 36 روپے کمی ریکارڈ کی گئی ہے۔

رپورٹ میں کہا گیا ہےکہ کیلا فی درجن 12 روپے، دال مونگ 15 روپے فی کلو سستی ہوئی،دال ماش کی فی کلو قیمت میں 4 روپے 49 پیسے کمی ریکارڈ ہوئی۔ادارہ شماریات   کے جاری اعدادو شمار کے مطابق  ایل پی جی کا سلنڈر 25 روپے سستا ہوا، آلو 29 پیسے فی کلو اور چینی کی فی کلو قیمت میں 14 پیسے کمی ہوئی جبکہ  آٹے کا تھیلا 1 روپیہ 23 پیسے سستا ہوا ہے۔