بجلی کے بڑھتے بلو ں پر وزیر داخلہ محسن نقوی نے نوٹس لے لیا

وزیر داخلہ محسن نقوی نے بجلی صارفین کی زائد بلوں کی بڑھتی ہوئی شکایت کا سخت نوٹس لیتے ہوئے اس عمل میں ملوث افسروں اور عملے کے خلاف سخت کارروائی کی ہدایت کی ہے۔

وفاقی وزیرداخلہ محسن نقوی  نے وفاقی تحقیقاتی ادارے کے تمام ڈائریکٹرز کو دوسو یونٹس تک بجلی استعمال کرنے والے صارفین کو درپیش مسائل فوری حل کرنے کی ہدایت کی۔

محسن نقوی نے وفاقی تحقیقاتی ادارے کو اس عمل میں ملوث افراد کے خلاف بلاامتیاز کارروائی کرنے کا حکم دیا۔انہوں نے کہاکہ بجلی کے زائد بلوں سے صارفین پر کروڑوں روپے کا اضافی بوجھ پڑا ہے جو کہ پہلے ہی مشکلات سے دوچار ہیں۔