برطانیہ کے نو منتخب وزیر اعظم پہلا دورہ اسکاٹ لینڈ کا کریں گے

برطانیہ کے حالیہ انتخابات میں تاریخی کامیابی حاصل کرنے والے وزیر اعظم کیئر اسٹارمر نے پہلے سرکاری دورے کے لیے اسکاٹ لینڈ کا دورہ کریں گے۔

اسکاٹ لینڈ کے فرسٹ منسٹر جان سوینی نے جمعہ کو فون کال کے دوران سر کیئر اسٹامر کو ان کی تقرری پر مبارکباد دی اور انہیں اسکاٹ لینڈ کے دورے کی دعوت دی جسے وزیر اعظم کیئر اسٹارمر نے قبول کی۔

اس موقع پر اسکاٹس فرسٹ منسٹر نے کہا کہ نئی حکومت کے ساتھ اسکاٹ لینڈ کے لوگوں کے لیے مشترکہ ترجیحات پر کام کرنے کے لیے پرعزم ہیں۔

جان سوینی  نے مزید کہا کہ میں ہماری حکومتوں کے درمیان مثبت تعلقات قائم کرنے کے لیے وزیر اعظم کے عزم کا خیرمقدم کرتا ہوں

سکاٹش حکومت ایک بہتر سکاٹ لینڈ کی تعمیر کے لیے برطانیہ کی حکومت کے ساتھ تعمیری کام کرنے کے لیے پرعزم ہے۔