ترکی کی معاونت سےپنجاب یونیورسٹی میں فلم اینڈ براڈکاسٹنگ ڈیپارٹمنٹ میں لیب کا افتتاح 

پنجاب یونیورسٹی کے فلم اینڈ براڈکاسٹنگ ڈیپارٹمنٹ میں جدید آلات سے لیس گرافکس اینڈ اینیمیشن لیب کا افتتاح 

پنجاب یونیورسٹی لاہور کے فلم اینڈ براڈکاسٹنگ ڈیپارٹمنٹ میں ترکی کے تعاون سے جدید آلات سے آراستہ گرافکس اینڈ اینیمیشن لیب کا افتتاح کر دیا گیا۔ 
فلم اینڈ براڈکاسٹنگ ڈیپارٹمنٹ کی چیئر پرسن ڈاکٹر لبنیٰ ظہیر کی کوششوں سے پنجاب یونیورسٹی نے ایک اہم سنگ میل عبور کر لیا۔ پنجاب یونیورسٹی کے فلم اینڈ براڈکاسٹنگ ڈیپارٹمنٹ میں ترکی کی معاونت سے دور حاضر کی جدید ٹیکنالوجی سے آراستہ گرافکس اینڈ اینیمیشن لیب بنا لی گئی۔  چیئر پرسن ڈاکٹر لبنیٰ ظہیر نے طلباء کی تعلیم و تربیت کے لیے بنائی گئی گرافکس اینڈ اینیمیشن لیب کی تیاری میں ترکی کی معاونت کا  شکریہ ادا کیا۔ ان کا کہنا تھا کہ اس لیب کی بدولت طلباء کو وہ فنی تربیت با آسانی دی جا سکتی ہے، جو دور حاضر کی ضرورت ہے۔
چیئر پرسن ڈاکٹر لبنیٰ ظہیر نے دعویٰ کیا کہ انتہائی جدید ٹیکنالوجی سے آراستہ یہ لیب طلباء کے لیے ایڈیٹنگ، گرافکس اور اینیمیشن جیسی مہارتیں سیکھنے میں معاون ثابت ہو گی۔ 
نئی لیب کے وسائل سے فائدہ اٹھانے کے لیے ڈیپارٹمنٹ نے دو ہفتے کے سمر کورسز متعارف کرائے ہیں، جو جلد ہی نئی لیب میں شروع کیے جائیں گے۔
لیب میں شروع کیے جانے والے نئے شارٹ کورسز کے حوالے سے ڈاکٹر لبنیٰ کا کہنا تھا کہ اس لیب میں فیلڈ کے ماہرین کو طلباء کی تربیت کے لیے مدعو کیا جائے گا تا کہ وہ طلباء کو پیشہ ورانہ تربیت دے سکیں۔