وزیراعلیٰ پنجاب کسان کارڈ کے لئے 10 ارب روپے کی منظوری

لاہور: وزیراعلیٰ پنجاب کسان کارڈ کے لئے 10 ارب روپے کی منظوری دے دی گئی۔

صوبائی ترقیاتی ورکنگ پارٹی کے اجلاس میں 23 اسکیموں کی منظوری دی گئی،اجلاس کے دوران وزیراعلیٰ پنجاب کسان کارڈ کے لئے 10 ارب روپے کی منظوری دی گئی، ایگری کلچر اور روڈز سیکٹر کی 23 اسکیموں کے لئے 77 ارب روپے کے فنڈز بھی منظور کیے گئے۔ فنڈز کی منظوری مالی سال 25-2024 کے چوتھے اجلاس میں دی گئی جب کہ چیئرمین پلاننگ اینڈ ڈویلپمنٹ بورڈ بیرسٹر نبیل اعوان نے اجلاس کی صدارت کی۔

پنجاب میں ماڈل ایگری کلچر مالز کے قیام کے لئے 1 ارب 25 کروڑ کی منظوری دی گئی جب کہ پنجاب کے مختلف اضلاع میں روڈز سیکٹر کی 21 ترقیاتی اسکیموں کے لئے 67 ارب منظور ہوئے۔