ورزش مرد اور خاتون کے جسم پر مختلف طریقے سے اثر انداز ہوتی ہے ، ریسرچ انکشافات

طب کے شعبے میں  جاری ایک ریسرچ میں اس بات کا انکشاف ہوا کہ ورزش مرد اور خاتون کے جسم پر مختلف طریقے سے اثر انداز ہوتی ہے۔ 
ریسرچ میں یہ انکشاف کیا گیا  کہ مرد اور خاتون کے سیلز کے اجزاء اور ان کے جینز کی بناوٹ کسی بھی سرگرمی کے اثر انداز ہونے کا تعین کرتی ہے۔ 
چوہوں پر کی جانے والی ایک ریسرچ میں سائنسدانوں نے ریسرچ میں استعمال ہونے والے چوہوں کے تین گروپ بنائے۔  ایک گروپ نر چوہوں، جبکہ دو گروپ مادہ چوہوں کے تھے۔ نر چوہوں اور مادہ چوہوں کے ایک گروپ کو 8 ہفتے مختلف سرگرمیوں میں الجھائے رکھا، جبکہ مادہ چوہوں کا دوسرا گروپ کسی بھی قابل ذکر سرگرمی میں مشغول نہیں کیا گیا۔ 
8 ہفتوں کے بعد، سرگرمی میں مشغول نر چوہوں نے اپنے جسم کی چربی کا تقریباً 5 فیصد کھو دیا، جبکہ سرگرمی میں مشغول مادہ چوہوں نے کوئی خاص مقدار نہیں کھوئی۔ مطالعہ کے دوران  انکشاف ہوا کہ سرگرمیوں میں مشغول مادہ چوہوں نے اپنی ابتدائی چربی کی فیصد کو برقرار رکھا، جب کہ بغیر سرگرمی کے رہنے والی مادہ چوہوں کے گروپ نے 4 فیصد اضافی جسمانی چربی حاصل کی۔ 
ریسرچ نے یہ بات واضح کر دی کہ مختص دورانیے میں ورزش نے نر کے جسم میں قابل ذکر تبدیلیاں پیدا کیں، مگر مادہ کا جسم ورزش کا کوئی قابل ذکر اثر نہ لے پایا۔ 
سائنسدانوں کے مطابق نر اور مادہ کے جسم پر ورزش کی وجہ سے پڑنے والے اثر میں فرق کی وجہ جسم میں توانائی کے توازن کو برقرار رکھنے والے سیلز اور اعضاء میں مائٹوکونڈریا کے جینیاتی اظہار میں تبدیلیوں کی وجہ سے ہیں۔
مائٹو کونڈریا جسم میں موجود سیلز کا ایک جزو ہے جو جسمانی سیلز کے اندر عمل تنفس(سانس لینے کے عمل) کا ذمہ دار ہوتا ہے۔ سیلز کے اندر مائٹوکونڈریا کی مقدار اور اس کے کام کرنے کی صلاحیت کسی بھی جسمانی سیل کی زندگی کا تعین کرتے ہیں۔