ملک کی صرافہ مارکیٹ میں سونے کی قیمت میں بڑا اضافہ

ملک کی صرافہ مارکیٹ میں سونے کی قیمت میں بڑا اضافہ، سونے کی فی تولہ قیمت میں 2300 روپے کا اضافہ ہوا ہے۔

اضافے کے بعد سونا 2 لاکھ 52 ہزار 800 روپے فی تولہ ہوگیا جبکہ 10 گرام سونے کی قیمت میں 1972 روپے کا اضافہ کے بعد  2 لاکھ 16 ہزار 735 روپے پر پہنچ گیا ۔

عالمی مارکیٹ میں سونا 22 ڈالر کے اضافے سے 2413 ڈالر فی اونس کا ہوگیا جبکہ چاندی کی فی تولہ قیمت 2 ہزار 920 روپے پر مستحکم رہی ہے۔    

گزشتہ روز  صرافہ مارکیٹ میں سونے کی قیمت میں کمی دیکھی گئی تھی، سونے کی فی تولہ قیمت میں 500 روپے کی کمی ہوئی تھی، کمی کے بعد سونا 2 لاکھ 50 ہزار 500 روپے فی تولہ ہو گیا تھا۔

10گرام سونے کی قیمت میں 429 روپے کی کمی ہوئی  تھی،  10 گرام سونا 2 لاکھ 14 ہزار 763 روپے کا ہوگیا  تھا ، عالمی مارکیٹ میں سونا 11 ڈالر کی کمی سے 2391 ڈالر فی اونس کا ہو گیا  تھا۔