خلیل الرحمان قمر کیس میں بڑی پیشرفت: 9 ملزمان کا 7 روزہ جسمانی ریمانڈ منظور

لاہور: ڈرامہ نگار خلیل الرحمان قمر کے ہنی ٹریپ اور اغوا برائے تاوان کے مقدمے میں عدالت نے ایک اہم فیصلہ سناتے ہوئے ملزمہ آمنہ عروج کے 9 شریک ملزمان کا 7 روزہ جسمانی ریمانڈ منظور کر لیا ہے۔

تفصیلات کے مطابق انسداد دہشتگردی عدالت کے جج خالد ارشد نے سماعت کے بعد یہ فیصلہ سنایا۔ عدالت نے ملزمہ آمنہ عروج کی بہن مریم شہزادی اور دوست شمائل کو مقدمے سے بری کر دیا ہے۔ تاہم، شناخت پریڈ میں شناخت ہونے والے 9 ملزمان کو انسداد دہشتگردی عدالت میں پیش کیا گیا۔

خلیل الرحمان قمر نے خود جیل میں جا کر ملزمان کی شناخت کی۔ ان کی بہن مریم اور حسن شاہ کی رشتہ دار شمائل کو بھی عدالت میں پیش کیا گیا تھا۔ عدالت نے آمنہ عروج کی بہن مریم شہزادی اور دوست شمائل کو مقدمہ سے ڈسچارج کر دیا۔