کراچی بڑی دہشتگردی سے بچ گیا

جی این این کے مطابق کراچی کے علاقے شاہ لطیف ٹاؤن میںخفیہ اطلاع پرسی ٹی ڈی اورحساس اداروں نے مشترکہ کارروائی  کی ۔ کاروائی کے دوران دہشت گردوں اور سی ٹی ڈی اہلکاروں میں فائرنگ کا تبادلہ ہوا جبکہ دہشت گردوں نے بکتر بند گاڑی پر دستی بم سے بھی حملہ کیا۔ فائرنگ کے تبادلےمیں ایک دہشت گرد ہلاک ہوگیا۔ 

ڈی آئی جی سی ٹی ڈی عمر شاہد نے میڈیا سے گفتگو میں بتایا کہ پچھلے 2 ہفتوں سے دہشتگردوں کی شہر میں موجودگی کی اطلاع تھی، حساس اداروں کی فراہم کردہ اطلاعات پر چھاپہ مارا،دہشت گردوں سے4 خودکش جیکٹس،15 دستی بم  ،4کلاشنکوف،2 راکٹ  اورسیکڑوں گولیاں برآمدہوئیں۔انہوں نے کہا کہ بم ڈسپوزل سکواڈ کی ٹیمیں یہاں موجود ہیں،دہشت گردوں سےبرآمدبارودسےبھرےرکشےکوبھی ناکارہ بنادیاگیا۔ 

دہشتگردوں کی شناخت تاحال نہیں کی جاسکی ہے۔دہشتگردوں کی مبینہ تخریب کاری کے منصوبے سے متعلق آج دوپہر3 بجے سندھ حکومت اور سی ٹی ڈی حکام پریس کانفرنس کریں گے۔