دوسرا ٹیسٹ : پاکستان اور بنگلہ دیش کے درمیان میچ تاخیر کا شکار

راولپنڈی: پاکستان اور بنگلادیش کے درمیان دوسرے ٹیسٹ میچ کا آغاز بارش کی وجہ سے تاخیر کا شکار ہوگیا ہے۔

پنڈی کرکٹ اسٹیڈیم میں پانی جمع ہونے کے باعث پچ کو ڈھانپ دیا گیا ہے۔

 اس سے قبل پاکستان نے میچ کے لیے 12 کھلاڑیوں کا اعلان کیا تھا جس میں فاسٹ بولر شاہین شاہ آفریدی کو شامل نہیں کیا گیا تھا۔

 12 رکنی اسکواڈ میں کپتان شان مسعود، صائم ایوب، عبداللہ شفیق، بابر اعظم، سعود شکیل، محمد رضوان، سلمان علی آغا، نسیم شاہ، خرم شہزاد، ابرار احمد، میر حمزہ اور محمد علی شامل ہیں۔

گزشتہ روز ہیڈ کوچ جیسن گلیسپی نے میڈیا سے گفتگو کرتے ہوئے بتایا تھا کہ شاہین شاہ آفریدی کو بیٹے کی پیدائش کی وجہ سے ٹیم سے باہر رکھا گیا ہے۔

واضح رہے کہ پنڈی کرکٹ اسٹیڈیم کے اطراف بارش کا سلسلہ جاری ہے۔