این اے 79 :ووٹوں کی دوبارہ گنتی میں ن لیگی امیدوار کامیاب

گوجرانوالہ کے حلقہ این اے 79 میں ووٹوں کی دوبارہ گنتی میں مسلم لیگ (ن) کے امیدوار ذوالفقار بھڈر کامیاب ہو گئے۔

ریٹرننگ آفیسر کے مطابق مسلم لیگ (ن) کے رہنما ذوالفقار بھنڈر نے 95 ہزار 604 ووٹ لے کر پہلے  جبکہ پاکستان تحریک انصاف (پی ٹی آئی) کے حمایت یافتہ امیدوار احسان ورک 92 ہزار 581 ووٹ لے کر دوسرے نمبر پر رہے۔

ن لیگی امیدوار ذوالفقار بھنڈر کی کامیابی پر مسلم لیگ (ن) کے کارکنوں کی جانب سے جشن منایا گیا ، مٹھائیاں بھی تقسیم کی گئیں۔

یاد رہے کہ عام انتخابات مین پی ٹی آئی کے حمایت یافتہ امیدوار احسان ورک ایک لاکھ سے زائد ووٹ لے کر کامیاب ہوئے تھے جبکہ ن لیگی امیدوار کو 99 ہزار 635 ووٹ ملے تھے۔

 سپریم کورٹ کے احکامات پر الیکشن کمیشن نے این اے 79 پر دوبارہ گنتی کا حکم دیا تھا، ووٹوں کی دوبارہ گنتی قائداعظم ڈویژنل پبلک سکول میں ہوئی، دونوں امیدواروں کے حامی ڈی پی ایس سکول کے باہر موجود رہے اور اس موقع پر سکیورٹی کے بھی سخت انتظامات کیے گئے تھے۔