پاکستان نے جنوبی افریقہ کو ٹیسٹ سیریز میں وائٹ واش کر دیا

راولپنڈی میں کھیلے جانے والے دوسرے ٹیسٹ کے آخری روز ابتدائی اوورز میں ہی حسن علی نے پاکستان کو دو کامیابیاں دلوائیں۔ وین ڈار ڈاسن کو 48 اور فاف ڈپلسی 5 رنز پر آؤٹ ہوئے تاہم ایڈم مارکرم اور ڈمبا باوما نے ذمہ داری کا مظاہرہ کرتے ہوئے 106 رنز کی شراکت قائم کی۔ مارکرم نے شاندار سنچری اسکور کی تاہم نئی گیند ملتے ہی حسن علی نے مارکرم کو 108 رنز پر پویلین بھیج دیا اور اگلے ہی گیند پر کپتان کوئنٹن ڈی کاک کو بھی آؤٹ کردیا۔اسی طرح دونوں فاسٹ بالرز نے جنوبی افریقہ کی پوری بیٹنگ لائن کے پرخچے اڑا دیے۔ حسن علی نے دوسرے ٹیسٹ میں کل 10 وکٹیں اپنے نام کیں۔ 

Pakistan take the series 2-0!

Hasan Ali took a match-haul of 10 wickets to lead the side to their first Test series win against South Africa since 2003!#PAKvSA ➡️ https://t.co/dHR9CvAE8T pic.twitter.com/JmlVXXkopY

— ICC (@ICC) February 8, 2021

اس قبل میچ کی پہلی اننگز میں پاکستان 272 رنز بنانے کے بعد آؤٹ ہوئی جس کے جواب میں مہمان ٹیم 201 رنز پر آؤٹ ہوگئی اور میزبان ٹیم کو 71 رنز کی برتری حاصل ہوئی تھی جب کہ قومی ٹیم دوسری اننگز میں 298 رنز پر آؤٹ ہوئی اور جنوبی افریقا کو جیت کے لیے 370 رنز کا ہدف دیا۔

واضح رہے کہ بابر اعظم کی قیادت میں قومی ٹیم نے پہلی ٹیسٹ سیریزمیں کامیابی حاصل کی۔پاکستان نے اپنی سرزمین پر18سال بعد جنوبی افریقہ کیخلاف ٹیسٹ سیریزمیں بڑی کامیابی حاصل کی پاکستان نےاس سے قبل 2003میں ہوم ٹیسٹ سیریز جیتی تھی۔