پنجاب حکومت کا صوبے میں کل تمام تعلیمی ادارے بند رکھنے کا اعلان

پنجاب حکومت نے صوبے میں کل تمام تعلیمی ادارے بند رکھنے کا اعلان کر دیا۔

تفصیلات کے مطابق محکمہ اسکول ایجوکیشن کی جانب سے کل تعلیمی اداروں میں چھٹی کا نوٹیفکیشن جاری کر دیا گیا۔ جمعہ کے روز اسکولز، کالجز اور یونیورسٹیز بند رہیں گے۔

پنجاب حکومت نے سیکورٹی خدشات کے پیشِ نظر صوبے بھر میں 2 دن کیلئے دفعہ 144 نافذ کر دی۔

محکمہ داخلہ پنجاب نے دفعہ 144 کا نوٹیفکیشن جاری کر دیا جس کے مطابق ہر قسم کے احتجاج، جلوس اور دیگر سرگرمیوں پر پابند ہو گی۔ پابندی کا اطلاق جمعہ 18اکتوبر سے ہفتہ 19 اکتوبر تک ہو گا۔

نوٹیفکشین میں کہا گیا ہے کہ سیکیورٹی خطرات کے پیش نظر دفعہ 144 نافذ کی گئی۔ عوامی اجتماع، جلوس دہشتگردوں کیلئے سافٹ ٹارگٹ ہو سکتے ہیں، فیصلہ امن و امان، انسانی جانوں اوراملاک کےتحفظ کیلئے کیا گیا ہے۔

قبل ازیں تحریک انصاف ( پی ٹی آئی ) نے ملک بھرمیں احتجاج کا اعلان کرتے ہوئے عوام سے سڑکوں پر نکلنے کی اپیل کردی۔