پاکستان اسٹاک ایکسچینج میں شدید مندی کے رجحان

پاکستان اسٹاک ایکسچینج میں شدید مندی کے رجحان کا سلسلہ جاری ہے۔

آج کاروبار کے آغاز پر پاکستان اسٹاک ایکسچینج میں 1909پوائنٹس کی بڑی کمی دیکھی گئی۔   کے ایس ای 100 انڈیکس ایک لاکھ 9 ہزار 170 پوائنٹس کی سطح پر آگیا۔

بعد ازاں مارکیٹ میں 145پوائنٹس کی تیزی دیکھی گئی، 100 انڈیکس بڑھ کر 111215 پوائنٹس کی سطح پر آگیا۔

یاد رہے کہ گزشتہ روز ٹریڈنگ کے  اختتام پربینچ مارک کے ایس ای 100 انڈیکس 3 ہزار 790 پوائنٹس کی کمی سے ایک لاکھ 11 ہزار 70 پوائنٹس کی سطح پر بند ہوا تھا۔ 

دوسری طرف انٹر بینک میں کاروبار کے آغاز پر روپے کے مقابلے میں ڈالر مزید سستا ہو گیا، کاروبار کے دوران ڈالر13 پیسے تک سستا ہو گیا، جس کے بعد ڈالر 278 روپے10 پیسے میں ٹریڈ ہو رہا ہے۔

گزشتہ روز ڈالر کی قدر میں چار پیسے کی کمی ہوئی تھی، کاروبار کے اختتام پر ڈالر 278 روپے 23 پیسے پر بند ہوا تھا، اوپن مارکیٹ میں بھی ڈالر چار پیسے سستا ہوا تھا۔