تیونس: تارکین وطن کی کشتی کو حادثہ،20افراد ہلاک

افریقہ کے مغربی ملک تیونس میں تارکین وطن کی کشتی ڈوب گئی جس  سے 20 افراد ہلاک ہو گئے۔

غیر ملکی میڈیا  کے مطابق حادثے کا شکار ہونے والی کشتی صفاقس شہر کے ساحل کے قریب ڈوبی ہے، جسے افریقی تارکین وطن کی روانگی کا مقام کہا جاتا ہے۔

کشتی حادثے میں متعدد افراد لاپتہ بھی ہیں جن کی تلاش جاری ہے۔

 جبکہ ریسکیو کی جانب سے 5 افراد کو زندہ بچانے کا دعویٰ بھی کیا گیا ہے۔

 کوسٹ گارڈ حکام کے مطابق افریقہ سے تعلق رکھنے والے 20 تارکین وطن کی لاشیں برآمد کرلی گئی ہیں۔ دیگر لاپتہ افراد کی تلاش جاری ہے۔

واضح رہے کہ کچھ دن پہلے یونان میں بھی  کشتی حادثے  کا واقعہ پیش آیا تھا جس کے نتیجے میں میں جاں بحق ہونے والے پاکستانیوں کی تعداد 35 سے بڑھنے کا خدشہ ہے،جبکہ دیگر افراد لا پتہ ہیں۔