جرمنی:  سعودی ڈاکٹر نے کرسمس مارکیٹ میں ہجوم پر گاڑی چڑھا دی،2 افراد ہلاک ،متعدد زخمی

 جرمنی کے شہر میگڈیبرگ میں ایک کار سوار شخص نے کرسمس مارکیٹ میں خریداری کیلئے موجود ہجوم پر کارچڑھادی، جس کے نتیجے میں دو افراد ہلاک جبکہ درجنوں زخمی ہوئے ہیں۔

مقامی حکام کے مطابق کم از کم 68 دیگر افراد زخمی ہوئے جن میں سے 15 کی حالت نازک ہے۔

غیر ملکی خبر ایجنسی کے مطابق جرمن حکام کی جانب سے  ہلاکتوں  کی تصدیق نہیں کی گئی تاہم علاقائی حکومت کے ترجمان نے واقعے کو حملہ قرار دیا ہے۔

جرمن میڈیا کے مطابق مقامی حکومتی ذرائع نے بتایا ہے کہ پولیس نے واقعے میں ملوث کار کے ڈرائیور کو حراست میں لے لیا ہے، جبکہ کرسمس مارکیٹ بند کردی گئی اور ایمرجنسی سروسز موقع پر موجود ہیں۔

جرمن حکام کا کہنا ہے کہ کرسمس بازار  پر حملے میں ملوث گرفتار شخص سعودی شہری اور  ڈاکٹر ہے،  وہ 2006 سے جرمنی میں رہائش پذیر تھا۔