مارخور کا اہم پیغام ،فوجی عدالتوں میں 9 مئی کے حملہ آوروں کا ٹرائل

فوجی عدالتوں میں 9 مئی کے مجرموں کو سزائیں سنا دی گئیں،آج پی ٹی آئی کے پاس ٹرائل پر اعتراض کرنے کا کوئی اخلاقی جواز نہیں ہے۔

ماضی میں بانی پی ٹی آئی اور دیگر رہنما بشمول مراد سعید نے فوجی عدالتوں میں سیاسی رہنماؤں، میڈیا پرسنز اور دیگر سویلنز کے ٹرائل کی حمایت کی ہے۔ بانی تحریک انصاف اور ان کے زہریلے ٹرولوں نے آرمی اور آئی ایس آئی کے خلاف میر جعفر اور میر صادق کا خطرناک بیانیہ بنایا اور نوجوانوں کو گمراہ کیا۔ اس کا منطقی نتیجہ انتہائی نفرت، اور پھر حملے کی صورت میں نکلا۔

جب 9 مئی کے حملہ آوروں کو فوجی عدالتوں میں ٹرائل کے لیے منتخب کیا گیا تو پی ٹی آئی نے "انکار" میں رہنے کا انتخاب کیا اور اپنے کارکنوں کو تنہا چھوڑ دیا۔ پی ٹی آئی نے منصفانہ ٹرائل اور شفافیت کے مفاد میں ٹرائل میں شرکت کے آپشن کا استعمال بھی نہیں کیا۔

اب عام کارکن کے سزا پانے کے بعد، پی ٹی آئی کی قیادت اپنی سیاست کرنے منظر عام پر آ گئی ہے۔ اگر پی ٹی آئی کو اتنی ہی فکر تھی تو آپ اپنے وورکرز کو ترک نہ کرتے۔ آپ کو اپنے ورکرز کی فکر ہونی چاہیے تھی اور مقدمے کی سماعت کے دوران ان کی مدد کرنی چاہیے تھی۔

مزید یہ کہ پی ٹی آئی نے انہیں "سول کپڑوں میں فوج اور انٹیلی جنس اہلکار" نہیں کہنا چاہیے تھا۔ اب جب کہ فوجی عدالتوں نے اپنی ہی تنصیبات (فالس فلیگ) پر حملہ کرنے والے اپنے ہی "سپاہیوں" کو سزا دی ہے تو آپ کو کیا مسئلہ ہے؟

آج آپ کو نہ تو ملٹری کورٹس کے دائرہ اختیار پر اور نہ ہی مقدمات کی قانونی حیثیت پر تبصرہ کرنے کا حق ہے، کیا آپ سمجھتے ہیں کہ آپ تمام لوگوں کو ہر وقت بے وقوف بنا سکتے ہیں