غزہ: حماس کے ساتھ جھڑپوں میں 3 اسرائیلی فوجی ہلاک

 غزہ کی شمالی  پٹی میں حماس کے ساتھ جاری لڑائی میں 3 اسرائیلی فوجی مارے گئے۔
اسرائیلی فوج نے شمالی غزہ میں اپنے فوجیوں کی  ہلاکتوں کی تصدیق کرتے ہوئے ایک بیان میں کہا ہے کہ شمالی غزہ میں حماس دوبارہ منظم ہونے کی کوشش کررہی ہے جس سے نمٹنے کے لیے کارروائیاں جاری ہیں۔

اسرائیلی حکام  کی ابتدائی تحقیقات کے مطابق تینوں فوجیوں کو پیر کو بیت حنون کے علاقے میں ایک دھماکہ خیز ڈیوائس سے ہلاک کیا گیا۔
غزہ میں حماس کے خلاف زمینی کارروائی اور پٹی کے ساتھ سرحد پر فوجی کارروائیوں کے دوران  ہلاک ہونے والے اسرائیلی فوجیوں کی تعداد 391 ہوگئی۔
جبکہ دوسری جانب غزہ کی وزارت صحت کے مطابق پچھلے سال اکتوبر سے لے کرا ب تک اسرائیلی حملوں میں 45 ہزار سے زائد افراد شہید ہو چکے ہیں، جن میں اکثریت بچوں اورخواتین کی ہیں۔