بارات کے ساتھ جانے والی جیپ دریائے نیلم میں جاگری، 4 افراد جاں بحق

مظفرآباد:وادی نیلم کے علاقے نگدر کناری کے مقام پربارات کے ساتھ جانےوالی جیپ حادثے کا شکار ہو کر دریائے نیلم میں جا گری جس کے نتیجے میں 4 افراد جاں بحق جبکہ دلہا زخمی ہوگیا۔
ریسکیو حکام کے مطابق جیپ کے دریائے نیلم میں ڈوب  جانے سے امدادی کارکنوں کو مشکلات کا سامنا کرنا پڑ رہا ہیں، حکام کا کہنا ہے کہ حادثے میں جاں بحق ہونے والوں کی لاشوں کو نکال لیا گیا۔
جا ں بحق ہونے والوں میں صابر ولد محمد یوسف، افضال ولد نثار، شیراز ولد حیدر زمان، محمد اجمل ولد سلیمان ساکنان مانسہرہ شامل ہیں۔ لاشوں کو اٹھمقام اسپتال پہنچایا جا رہا ہے،حادثے میں زخمی دلہا نقاش ولد اورنگزیب کی حالت خطرے سے باہر ہے۔
واضح رہے کہ حادثے کا شکار ہونے والی جیپ مانسہرہ سے چانگاں کی طرف جانے والی بارات میں شامل تھی۔