اڈیالہ جیل:  تعمیراتی کام کے دوران لفٹ گر نے سے مزدورجاں بحق

 راولپنڈی :اڈیالہ جیل راولپنڈی میں تعمیراتی کام کے دوران لفٹ گر گئی جس کے نتیجے میں ایک مزدور جاں بحق ہوگیا۔
جیل حکام کے مطابق جیل کالونی میں تعمیراتی کام کے دوران لفٹ گر گئی جس کے نتیجے میںایک مزدور جاں بحق اور2 مزدور شدید زخمی ہو گئے۔
جیل حکام کے مطابق جاں بحق مزدور غلام مصطفیٰ کا تعلق  کا تحصیل کوٹ ادو ضلع مظفر گڑھ سے ہے۔

حکام کا مزید کہنا ہے کہ حادثے کے بعد تعمیراتی  کام بند کردیا گیا ہے۔

واضح رہے کہ کچھ دن پہلے بھی اڈیالہ جیل کا ایک قیدی اسپتال میں دم توڑ گیا تھا۔