مذاکرات کا تیسرا دور ہی شاید آخری ثابت ہو ، شوکت یوسفزئی 

رہنما پی ٹی آئی شوکت یوسفزئی کا کہنا ہے کہ حکومت اور پی ٹی آئی کے درمیان  جاری مذاکرات کا تیسرا دور شاید آخری ہو۔کیوں کہ حکومت سنجیدہ نہیں ہے۔

پی ٹی آئی کے رہنما شوکت یوسفزئی نے کہا کہ اچھا ہوا کہ پی ٹی آئی نے مذاکرات کرکے حکومت کو بے نقاب کردیا،حکومت مذاکرات سےخوفزدہ لگ رہی ہے، اسٹیبلشمنٹ کو اب سمجھ آجانی چاہیے کہ ن لیگ اور پیپلز پارٹی ملک پر بوجھ ہیں۔

شوکت یوسفزئی کا کہنا تھا کہ حکومت اب بیک فٹ پر جارہی ہے، عمران خان پہلے ہی کہہ چکےکہ حکومت کے پاس اختیارات نہیں ہیں،اختیار ہےتو عمران خان سے مذاکراتی کمیٹی کی ملاقات کیوں نہیں کرائی جاتی۔

شوکت یوسفزئی کاکہنا تھاکہ شیر افضل مروت اور سلمان اکرم راجا کی میڈیا پر لڑائی دیکھ کر افسوس ہوا،سینیئر پارٹی قیادت پارٹی کے اندر ڈسپلن قائم کرے۔