ایران:  سپریم کورٹ کی عمارت کے باہر مسلح شخص کی فائرنگ ، 2 جج جاں بحق

تہران:یران کے دارالحکومت تہران میں سپریم کورٹ کی عمارت کے باہرمسلح شخص نے فائرنگ کرکے 2 ججوں کو قتل کردیا ۔
ایران کے سرکاری میڈیا نےاس بات کی تصدیق کی ہے کہ دارالحکومت تہران میں سپریم کورٹ کے باہر فائرنگ کا واقعہ پیش آیا،جس میں مسلح شخص نے فائرنگ کےنتیجے میں 2 جج جاں بحق ہوگئے۔
ایرانی میڈیارپورٹس کے مطابق فائرنگ سے جاں بحق ہونے والے ججوں میں علی رازینی اور محمد مغیثی شامل ہیں، دونوں جج صاحبان قومی سلامتی، جاسوسی اور دہشتگردی سے متعلق کیسز کی سماعت کررہے تھے۔
 فائرنگ کا واقعہ مصروف علاقے تہران اسکوائر پر سپریم کورٹ کے قریب پیش آیا جس میں ایک جج زخمی بھی ہوا ہے جب کہ حملہ آور نے خود کو گولی مارکر ہلاک کر لیا۔