اپوزیشن ملک میں شفاف انتخابات کی مخالف ہے،وزیر اعظم

وزیر اعظم کی سربراہی میں حکومتی ترجمانوں اور رہنماؤں کا اجلاس ختم ہوگیا، وزیر اعظم عمران خان نے پارٹی ترجمانوں کو سینیٹ انتخابات میں شفافیت کی مخالفت پر اپوزیشن کو آڑے ہاتھوں لینے کی ہدایت کردی۔

وزیر اعظم عمران خان نے کہا کہ   قوم کے سامنے آگیا کون جمہوریت کا مخالف ہے، اپوزیشن ملک میں شفاف انتخابات کی مخالف ہے، اپوزیشن نہیں چاہتی پارلیمنٹ مضبوط ہو، سینیٹ انتخابات میں منڈیاں لگتی ہیں جسے روکنا چاہتے ہیں، سینیٹ کی منڈیوں کی قیمت عوام ادا کرتے ہیں، اپوزیشن اسی کرپشن اور منڈیوں کے سلسلہ کو بچانا چاہتی ہے۔

وزیر اعظم نے کا کہنا تھا کہ   ملک شفافیت لا کرہی رہیں گے، میری 22 سالہ جدوجہد اسی کرپٹ نظام کے خلاف ہے، سپریم کورٹ کا اوپن ووٹنگ پر جو بھی فیصلہ آیا قبول کرینگے، سینیٹ اوپن ووٹنگ کےلئے ہر ممکن کوشش کررہے ہیں۔

وزیر اعظم عمران خان کا مزید کہنا تھا کہ  سینیٹ کی منڈیوں سے عوام کا پارلیمنٹ سے اعتماد اٹھا جاتا ہے،اپوزیشن کے موجودہ نظام سے مفادات جڑے ہیں، عوام کو پتہ چل گیا اپوزیشن اور عوام کے مفادات الگ ہیں۔وزیر قانون کےپی کے سلطان محمد کو عہدے کے ہٹانے پر بھی وزیر اعظم نے ترجمانوں کو آگاہ کیا۔